Siç dihet, me vendim nga Kryetari Komunës z. Shpend Ahmeti, të gjithë pensionistet e Prishtinës janë të liruar nga pagesa e biletës gjatë udhëtimit me autobusët e NPK Trafiku Urban në të gjitha linjat përveç në linjën e aeroportit (Linja 1A).
Është obligative që biletën e pensionistit ta tregoni tek stafi i autobusit (kondukteri, kontrolla e biletave) çdo herë gjatë udhëtimit me autobusët NPK Trafiku Urban.
Bileta e pensionistit lëshohet e përhershme dhe për marrjen e saj nevojitet:
-vërtetimi i vendbanimit (që të sigurohemi se jeni banor i Prishtinës),
-kopje e letërnjoftimit dhe
-një fotografi e vogël.
Bileta merret në kioskë me logo të Trafikut Urban, prapa objektit të Komunës, tek vendndalja e autobusëve ‘’Plepat”, ditëve të punës gjate orarit 07:00 – 20:00.
Udhëtim të rehatshëm!