Në kuadër të bashkëpunimit me Kolegjin Tempulli, N.P.K “Trafiku Urban” Sh.A. merr pjesë në punishtet e organizuara nga Universiteti Teknik i Dresdenit për Mobilitetin Urban, sfidat e transportit publik dhe menaxhimin e kualitetit të shërbimeve në Dresden të Gjermanisë. Përveç shkëmbimit të përvojave dhe angazhimit profesional në Institutet e Universitetit Teknik të Dresdenit, Trafiku Urban është pritur nga menaxhmenti i kompanisë së transportit të qytetit në Dresden “DVB – Dresdener Verkehrsbetriebe AG” me ç’rast janë diskutuar sfidat e transportit publik në Prishtinë dhe mundësitë për implementim nga përvoja shumë vjeçare e DVB-së.